Александар Гербут з Руского Керестура народзени 12. фебруара 1979. року у Вербаше. Основну школу и Ґимназию „Петро Кузмяк” закончел у Руским Керестуре, а економию дипломовал на Универзитету у Новим Садзе. През роки ше нєпреривно усовершовал, а специялизовал ше у медзинародней тарґовини.
У своєй кариєри робел за даскельо компаниї у Републики Сербиї – Yunimex, Fadip, IQ Invest и Неопланта.
Одкеди ше 2011. року зоз фамелию преселєл до Мадярскей, робел у фирмох 3B Scientific (на позициї медзинародного тарґовца) дзе предавал наставни средства и симулатори у медицини, за жеми бувшей Югославиї и бувши держави СССР окрем Русиї (ЦИС).
Александер ше потим запошлєл у компаниї Lexmark на позициї подручного менаджера предаваня, та руководзел зоз предаваньом друковачох на Балтику и у ЦИС державох.
Хвильково є заняти у компаниї Converge (Arrow group) як менаджер у тарґовини за подруче Централней и Восточней Европи (Ческа, Словацка, Болгарска и жеми бувшей Югославиї), у обласци тарґовини/брокерства чипох/полупреводнїкох з велькима купцами зоз обласци авто-индустриї, воєней и медицинскей индустриї.