Владимир Надь Ачим з Руского Керестура народзени 7. авґуста 1970. року у Кули. Основну и штредню школу (Систем и орґанизация културних активносцох) закончел у Руским Керестуре. Студирал на Филозофским факултету у Новим Садзе, ґрупа за историю, як и филозофию на Pontificia Universita Urbania у Риме.
Дипломовал на Києвским державним институту театралней уметносци „Иван Карпенко Карий” у України на ґрупи за ґлуму и режию (1997).
Меновани є за директора Руского народного театру „Петро Ризнич Дядя” у Руским Керестуре 2003. року.
Режирал вецей представи, як у РНТ, так и у Крущичу, Кули, Смедеревскей Паланки и на вецей заводи у Републики Словацкей, а бул и асистент редительох у Сербским народним театре у Новим Садзе.
У своєй професийней кариєри бавел и режирал радио-драми у бешедно-уметнїцкей програми, режирал у редакциї директних преносох и вонкашнїх знїманьох, орґанизовал драмски семинари у Руским Керестуре и бабкарски семинар у Шиду.
Обявйовани його тексти, критики, анализи и преклади на руским, українским, словацким, сербским и италиянским язику у часописох за науку, културу и дружтвени питаня.
Од 1997. року учланєни до Здруженя драмских уметнїкох Войводини.