Дружтвени роботнїк
Владислав Югас народзени 13. 07. 1937. у Руским Керестуре, дзе закончел основну школу.По законченю стреднєй польопривредней школи єден час робел у Землєдїлскей задруґи у Коцуре, а 1959. ше уписал на Польопривредни факултет у Новим Садзе дзе дипломовал 1963.
Югас у своєй роботней кариєри окончовал велї функциї у тедишнїм Социялистичним союзу роботного народу- ССРН на локалним, покраїнским републичним и федералним-союзним уровню.
Главни и одвичательни редактор рускей редакциї РНС постал 1973. Бул член Дїловодного одбору РТВНС, а у єдним мандату и директор РНС.
За свой професийни и дружтвени анґажман одликовани є зоз Орденом заслугох за народ зоз стриберну гвизду.
Югас страдал у транспортним нєщесцу 4. януара 1993. Поховани є на Новим теметове у Новим Садзе.