Ана Римар Симунович народзена 9. децембра 1991. року у Новим Садзе, дзе закончела основну школу и ґимназию, и дипломовала на Катедри за руски язик и литературу Филозофского факултета, мастеровала и на концу докторовала 2023. року, на теми Мит завичая у дїлу Михала Ковача у контексту рецепциї українскей литератури.
Од 2019. року роби на Филозофским факултету як асистент за наукову обласц русинистики, пред тим робела як лектор у Новинско-видавательней установи „Руске слово” як лектор и прекладала зоз українского. Мастер роботу Уплїв українскей литератури на дїло Михала Ковача єй обявени як окремне виданє у едициї Владимир Ґарянски Завода за културу войводянских Руснацох. Добитнїк є награди часописа Шветлосц за найлєпши прилог у 2022-2023. року.
Як студент на дохторских студийох була стипендистка Министерства просвити, науки и технолоґийного розвою и цали час, як и тераз, анґажована на проєкту Дискурси меншинских язикох, литературох и културох у юговосточней и стреднєй Европи на Филозофским факултету у Новим Садзе. Награда Найлєпши студент Филозофского факултета єй додзелєна 2014. року, кед и Награда Универзитета у Новим Садзе за закончени студиї школского 2013-14. року. Од того року є и стипендистка Фонда Доситей.
Од 2. новембра 2023. року окончує роботу шефа Оддзелєня за русинистику.
Попри студийох и науковей роботи Ана интензивно школує глас и наступа як солистка, на концертох и змаганьох у жеми и иножемстве, дзе потераз освойовала високи припознаня.
Контакт: anarsimunovic@ff.uns.ac.rs