Борис Варґа, новинар и политиколоґ. Народзени у Кули (1975), Ґимназию закончел у Руским Керестуре. Маґистровал на Львовским националним универзитету у України, на Факултету журналистики, на Катедри за медзинародни медиї и информациї (2000) и докторовал на Универзитету у Беоґрадзе, на Факултету политичних наукох (2012).
Варґа робел за вецей интернационални и домашнї медиї – BBC на українским язику, портал Al Jazeera Balkans, часопис „Vreme”, портал „Autonomija” и Новинско-видавательну установу „Руске слово”, як и орґанизациї – Гелсиншки одбор за людски права у Сербиї, Орґанизацию за европску безпечносц и сотруднїцтво у Сербиї (ОЕБС), Форум за медзинародни одношеня, Нєзависне дружтво новинарох Войводини (НДНВ) и других.
У новинарстве и виглєдованьох ше занїма углавним зоз медзинароднима темами, реґионом бувшей Югославиї и бувшого Совєтского Союзу. Узша специялносц – транзиция, демократия и ауторитаризем. У медийох роби на питаньох етики и злєпшаню професийних стандардох на язикох националних заєднїцох у Републики Сербиї.
По тераз обявел осем науково и публицистични кнїжки на тему ґеополитики и сучасних политичних системох.
Детальнєйша биоґрафия зоз кнїжками и публикациями на сайту: www.borisvarga.com.