Новинар, хумориста, ґлумец аматер

Микола Скубан ше народзел  2. юлия 1932.  у Коцуре дзе закончел основну школу. Штири класи ґимназиї зоз малу матуру закончел у Р. Керестуре. Як професийни новинар почал робиц 1950.  у рускей редакциї Радио Нового Саду дзе остава по 1952.

Член редакциї  „Руского слова“ як новинар и технїчни редактор  постал 1955. року дзе остал по 1992.рок кед пошол до пензиї.

На театралней сцени Микола Скубан бул присутни од 1948. по 1993. рок.За тот час вон одбавел 45 улоги, а поряднє ґлумел и у радио драмох котри пририхтовани у рускей редакциї Радио Нового Саду .Преложел на руски язик 30 театрални фалати зоз российского, українского, словацкого, а найвецей зоз сербского язика. Попри тим, преложел и дзевец кнїжки литературного змисту зоз сербского, словацкого, українского и российского на руски и зоз руского на сербски язик.

Бул член Дружтва писательох Войводини и обявел седем ауторски кнїжки прози и поезиї. У новинох „Руске слово“ обявел серию гуморескох котри подписовал зоз псевдонимом Соцки и єден є з найдаровитших руских гумористох.

У Руским народним тетру „Дядя“  бул скоро три децениї член у орґанох управяня. Вецей роки ушорйовал и писал за Билтен котри виходзел под час отримованя Драмского меморияла „Петро Ризнич – Дядя”.

Умар нєсподзивано 3. септембра 1993. Поховани є у Руским Керестуре.