Политични и спортски роботнїк, новинар
Мирослав Виславски народзени 5. авґуста 1952. у Вербаше дзе закончел основну школу и Школу школярох у привреди.Окончовал велї функциї у политики зоз котрей одходзи под час антибирократскей револуциї и роспаду Югославиї.
Професийну кариєру предлужел у Одбойкашским клубу Войводина и пошвидко є меновани за ґенералного директора ( 1992-2001).Под час його мандату и под його водством клуб витворел найвекши успихи.ОК Войводина бул дзевец раз шампион держави, шейсц раз побиднїк националного Купа, треци у Европи и пейц раз за шором медзи дзешец найлєпшима клубами у Европи.Державну репрезентацию котра освоєла два олимпийни медалї ( бронза и злато), стриберну медалю на Шветовим першенстве и штири медалї зоз Европских першенствох ( два бронзи, стриберна и златна) творели 90% кадри зоз ОК Войводини ( бавяче и тренери).
Под час роботи у ОК Войводина Виславски окончовал и функцию предсидателя Одбойкашского союзу Сербиї 1996-2000. Була и предсидатель Здруженя одбойкашских клубох першей и другей лиґи од 1993-2001.Кратко робел у Фодбалским клубу Войводина.
Як новинар робел на телевизиї Єсенїн, Канал9 ТВ Панония и КТВ зоз Зренянину.Аутор є прейґ 1500 емисийох о спорту, политики, синдикалних и друштвених темох.
Аутор є, сценариста и режисер даскелїх документарних филмох и серийох: „Богови олимпа“ „Феномен одбојке“, “Војводина наша радост”, “Легенде у легенди”.У 2018 . започал сериял „На путу друге круне“.
Од 2006. по 2017. Обявйовал стаємну колумну „Контранапад“ у маґазину Таблоид дзе бул и редактор спортскей рубрики по 2009. рок. Писал и за други новини як цо то Спорт и Дневник.Аутор, коаутор и рецензент є даскелїх кнїшкох.
Предсидательство СФРЮ го одликовало зоз Орденом роботи зоз стриберним венцом.У ОК Войводина добитнїк є „Златней плакети“ (1996) и „Статуи великана“ (2001).Тиж так є власнїк плакети Одбойкашского союзу Войводини ( 2011).
За новинарску роботу достал награду „Яша Томич“, Друштва новинарох Войводини ( 2007) Припознанє за видавательне подняце рока (2011) и Припознанє за животне дїло (2014) котре додзелює Здруженє спортских новинарох Сербиї.
Жиє у Новим Садзе од 1974. року. До пензиї пошол 2012. року.
Литература
- Интеґрални текст за биоґрафску єдинку Мирослав Виславски (серб.)
- М.Виславски, Велика забуна, (2001)
- Виславски, Контранапад (2011),
- Виславски, Нови контранапад (2016)
- M. Виславски, Контранапад њима и њиховима (2018)
- На интернету ше мено Мирослав Виславски спомина на вецей як 14 бокох
- Сериял радио емисийох “Доприношенє Руснацох розвою Нового Саду“,org.rs
| Top of Form
Bottom of Form |