Александар М. ЛУКИЧ*

Уметнїк у технїки витражу и фузионового скла

Александар М. Лукич (1964, Сримска Митровица), член Здруженя подобових уметнїкох применєних уметносцох и дизайнерох Войводини (УПИДИВ) од 2008. року.

Занїма ше зоз уметнїцку и применєну роботу зоз фузионованим склом и у технїки витражу.

Попри петнац самостойних, медзи котрима и гевта у „Смитсониан асоцияциї” у Вашинґтону, ЗАД, 2016. року, участвовал и на вецей колективних виставох. Його роботи ґалерийного формату находза ше у велїх приватних збиркох, як у жеми так и у иножемстве. Автор є вецей роботох на обєктох сакралней и профаней архитектури.

Роботи Александра М. Лукича находза ше на вирских и приватних обєктох у Беоґраду, Земуну, Петроварадину, Бачкей Тополї, Паличу, Суботици, Чарней Гори и Швайцарскей.

Заступени є у моноґрафиї CREATIVE GLASS (ЗАД, 2010), як и у АТЛАСУ ПОДОБОВИХ И ПРИМЕНЄНИХ УМЕТНЇКОХ И ДИЗАЙНЕРОХ СЕРБИЇ, 21. ВИК (2014). Авторски каталоґ ВИТРАЖИ И ФУЗИОНОВАНЕ СКЛО (2013) учишлєни до библиотеки Музею скла „Корнинґ” у Нюйорку.

Жиє и твори у Суботици.

a.lukic@windowslive.com

www.vitraz.webs.com

Литература

  1. Мено Александар М. Лукич ше на интернету зявює на двох бокох
  2. https://www.google.rs/search?q=aleksandar+m.+luki%C4%87+obrada+stakla&hl=en&dcr=0&tbm=isch&tbo=u&source=univ&sa=X&ved=0ahUKEwiTu7TtkP3YAhVIYlAKHVY8CcIQsAQIOQ&biw=1024&bih=645

*основни текст Ирини Гарди Ковачевич зоз каталоґу за виставу у Суботици 17. януара 2018.