Новинар, редактор, директор
Владимир Паланчанин народзени 5. авґуста 1953. року у Дюрдьове.Основну школу и Ґимназию закончел у Вербаше. Дипломовал на Филозофским факултету у Беоґраду, Одсек за филозофию. Бул учашнїк и єден од лидерох у студентских бунтох котри були блїзки професором котри дїловали у кругу медзинародного фолозофского часопису Праксис. Анґажованє Владимира Паланчанина , як студента беоґрадского Филозофского факултета, резултовало зоз судским процесом у янию 1974. прецо реаґовала медзинародна заєднїца як и Amnesty International.
Єден час робел у Ґимназиї „Петро Кузмяк“ у Руским Керестуре як професор филозофиї.У рускей редакциї Радио Нового Саду почал робиц 1981. року як сотруднїк.На функциї одвичательного редактора Редакциї бул у двох мандатох од 1990. по 2000.рок.
Директор НВУ „Руске слово“ бул од 2005. по 2010. рок. Єден є од иницияторох порушованя фестивала „Ружова заградка“, аґенциї „Рутенпрес“, Новинарскей асоцияциї Руснацох НАР.
За окремни новинарски досяги 1983. року достал рочну награду „Светозар Маркович“.
Паланчанин умар у Новим Садзе 11. децембра. 2010. Поховани є на централним теметове у Новим Саду.
Литература
- Мено под биоґрафску єдинку Владимир Паланчанин ше на интернету зявує на пейцох бокох
- https://www.nytimes.com/1974/06/26/archives/student-convicted-as-yugoslavia-fights-dissent-in-universities.html
- https://journals.sagepub.com/doi/pdf/10.1080/03064227608532580
- https://www.amnesty.org.ph/wp-content/uploads/2014/11/pol100011975eng.pdf
- https://www.marxists.org/history/etol/newspape/wa-uk/wa-n07.pdf