Подобова уметнїца и педаґоґиня
Народзена є у Руским Керестуре 1938. року. Основну школу , шейсц класи, закончела у Руским Керестуре а малу матуру у Дяковици на Косове. Висшу педаґоґийну школу закончела у Новим Саду а робела у Руским Керестуре и Ветернику. Членїца є Дружтва подобових педаґоґох Войводини. У своєй педаґоґийней творчей роботи достала велї припознаня: Награду подобових педаґоґох Югославиї, вецей раз ю за окремни резултати у педаґоґийней роботи наградзовал Центер за подобове воспитанє дзецох и младежи Войводини, наградзена и од Воздухопловного Союзу Войводини, Медзиопштинского просвитно педаґоґийного заводу Нового Саду, Люблянскей банки.Тиж так є добитнїца Першомайскей награди городу Нови Сад и добитнїца Златней плакети на 20. Медзинародней дзецинскей подобовей колониї у Битолю.
Викладала на вецей колективних виставох, а самостойни вистави мала у Новим Садзе, Руским Керестуре, Ґосподїнцох и Дюрдьове.
Жиє у Новим Саду.
Литература
1.Подобова творчосц Руснацох, ґрупа ауторох, Друштво за руски язик, литературу и културу, Нови Сад, 2003.