Др Йован Янко Шарик народзени 1909. року у землєдїлскей фамелиї у Дюрдьове, дзе закончел основну школу. Студирал медицину и дипломовал на Медицинским факултету у Беорадзе. По законченим обовязним лїкарским стажу робел и бул вецей роки управитель Здравственей станїци у Руменацкей улїци число 10 у Новим Садзе.

Бул активни културно-просвитни роботнїк медзи двома войнами. Кед ше др Ґубаш поцагнул, бул и одвичательни редактор новинки “Руска заря” 1936. року. По ошлєбодзеню активно участвовал у културним живоце Нового Саду. Єден є зоз сновательох КУД “Максим Горки” и вецейрочни предсидатель Дружтва. Достал и диплому за свойо закладанє у рамикох преслави 25-рочнїци роботи Дружтва.

Умар 7.10.1974. року.