Фодбалер, фодбалски тренер
Йоаким Киме Виславски народзени 26. септембра 1940.року у Вербаше.По законченю Занатскей школи як талантовани фудбалер одходзи до Беоґраду дзе започал кариєру професийного фодбалера.
Фодбал почал бавиц у вербаским ФК Радник у котрим як шеснацрочни хлапец уж бавел за сениорски тим. У Юниорскей репрезентациї Югославиї бавел и бул капитен як єдини бавяч котри пришол зоз локалного тиму.Бул поволовани и за А тим державней репрезентациї алє нїґда нє одбавел змаганє.
До беоґраского Партизану пошол бавиц 1959. и уж о рок бави за сениорски тим зоз котрим освоєл штири титули шампиона Югославиї (1960/61, 1961/62, 1962/63 i 1964/65).Бул то состав познати як „ партизаново беби“ у котрим под тренерску „ палїцу “ Стєпана Бобека бавели : Шошкич, Юсуфи, Сомболац, Люба Михайлович, Дамянович, Васович, Чебинац, Ковачевич, Вукелич, Ґалич, Миладинович, Бечеяц, Рашович, Пирмаєр.
У историї Паризана по роспад СФРЮ, Виславски бул медзи дзевец бавячох свойого клуба, алє и Югославиї котри освоєл штири шампионски титули.За Партизан одбавел 315 змаганя и посцигнул 118 ґоли ( урядова статистика ФК Паризан).Зоз Партизану 1967. одходзи до люблянскей Олимпиї дзе бавел два роки, кратко бавел у зреняниским Пролетеру одкадз ше враца до Вербасу до городкого клуба ( ОФК Вербас). Кариєру закончел 1971. И пошвецел ше тренерскей роботи.
На Скупштини ветеранох Вербасу достал припознанє же є найлєпши фодбалер у историї вербаского фодбала. У мено почитованя, у Старим Вербаше основане спортске здруженє котре ноши мено „Йоаким Киме Виславски“.
Йоаким Киме Виславски умар 2014. року и поховани йе на Городским теметове у Вербаше.
Литература
- 1 На интернету ше мено Йоаким Киме Виславски зявює на вецей як 13 бокох
- https://en.wikipedia.org/wiki/Joakim_Vislavski
- https://crno-bela-nostalgija.blogspot.rs/2012/11/foto-arhiva-joakim-vislavski.html
- https://www.youtube.com/watch?v=NMqow6hX9mE
- https://www.youtube.com/watch?v=GX2ke47PcXo
- https://www.rts.rs/page/radio/sr/story/23/radio-beograd-1/1069492/sportski-spomenar.html