Новинарка, редакторка
Мария ( дзвоцке Горняк) Пушкаш народзела ше 16. авґуста 1931. у Дюрдьове и там закончела шейсц класи Основней школи а малу матуру у Р. Керестуре У Новим Саду закончела економску стредню школу. Сотруднїца рускей редакциї РНС постала у септембру 1950.Попри роботи дипломовала 1967. року на новосадским Филозофским факултету на ґрупи за южнославянски язики и общу линґвистику.
Була длугорочна редакторка руских емисийох за дзеци.Авторка є вецей текстох котри обявйовала у периодики на руским, серпским, словацким, мадярским, албанским, македонским и українским язику. Писала и кратки приповедкох за дзеци. Року 1973. обявена єй збирка кратких приповедкох за дзеци На рукох мацериних..
Цали свой роботни вик Мария Горняк Пушкаш препровадзела у Радио Новим Садзе. До пензиї пошла 29.06.1990. року.
Умарла 2017. року.