Поетеса, новинарка,редакторка
Мелания Римар ( дзивоцке Рамач) народзена у Руским Керестуре 30. авґуста 1958. року. Ту закончела основну школу и ґимазию. Дипломовала на новосадским Природно математицким факултету напрям ґеоґрафия.Новинарску кариєру почала у НИУ „Руске слово“ дзе є одвичательна редакторка часопису за дзеци „Заградка“.Першу збирку поезиї обявела 1983. року.Пише писнї, кратки приповедки, драмски слички и сказки за дзеци.Ма 11 обявени ауторски кнїшки.Поезия єй заступена у Буквару, Читанкох и учебнїкох на руским язику и у дзешец антолоґийох поезиї , прози и драмских сличкох за дзеци на серпским язику.Поезия єй прекладана на україински, российски, словацки, румунски, македонски о болгарски язик.
Медзинародни центер литератури за дзеци Змайових дзецинских бавискох обявел 2013. двоязичну кнїшку М. Римар „Да ли ми верујете-Чи ми верице“ а 2017. року порихтала збирку руских народних писньох „Когуцик ярабик“.
Преклада зоз серпского и руского язика.
У Змайових дзецинских бавискох є членїца жирия за награду „Раде Обренович“ и членїца Управного одбора тей манифестациї.
Членїца є и жирия Фестивала монодрами за дзеци Децембарски змайдан.
Режира дзецински представи. Єй монодрама „Принц зоз басни“ виведзена 2016. року на Фестивалу монодрами за дзеци у рамикох Змайових дзецинских бавискох.
Сотрудзовала зоз Раншу програму „Добре рано дзеци“ Радио Беоґраду. На коло 60 стихи єй поезиї написани композициї за дзеци и одрослих.
Добитнїца є вецей наградох и припoзнаньох за афирмацию литератури за дзеци и дзецинскей творчосци.
Членїца є Друштва писательох Войводини.
Жиє и твори у Петроварадину.
Литература
- Интеґрални текст за биоґрафску єдинку под меном Мелания Римар (серб.)
- Мено Мелания Римар ше на интернету зявює на вецей як пейцох бокох.
- Мелания Римар, Доприношенє Руснацох розвою Нового Саду, аудио сериял, Новинарска асоцияция Руснацох, https://nar.org.rs