Новинар, режисер, ґлумец
Михайло Зазуляк народзени у Руским Керестуре 12. априла 1961. року.Закончел Педаґоґийну академию у Зомборе, робел професийно як предсидатель тедишнєй Општинскей конференциї ССМВ (предсидатель младежи Општини Кула), а од 1984. року роби як новинар НВУ „Руске слово”. Бул длугорочни шеф керестурского дописовательства „Руского слова“ и редактор Новинскей аґенциї „Рутенпрес” и порядни дописователь Радия Нови Сад (РНС) и РТВ Войводини.
Бул длугорочни активиста у рускей култури, режисер и ґлумец у РНТ Дядя .Прекладал драмски тексти. Як ґлумец витворел вецей як 30 улоги.
Перши є Руснак котри освоєл награду на Републичней смотри рецитаторох у старшим возрост. Од 1982. року порядно робел з рецитаторами а тиж так бул селектор и фахови консултант за руски и українски язик. За роботу на полю театра и рецитованя достал и награди покраїнского и републичного уровня.
Автор є и коло 50 текстох за дзецински композициї и композициї у народним и забавним духу. У зволаню Националного совиту Руснацох бул секретар Одбору за културу, а бул и член Националного совиту Руснацох и член його Одбору за културу.
Михайло Зазуляк поховани 5. новембра 2017. року на теметове у Руским Керестуре.