Адвокат, дружтвени роботнїк, новинар
Симеон Сакач народзени у Дюрдьове 6.11.1929. року.Школовал ше у Дюрдьове, Новим Саду, Зомборе, Пули Беоґраду, Суботици и Пули.Першу роботу достал як одправнїк гайзибанох у Новим Саду.Дипломовал на правним факултету у Беоґраду 1964. року.
Симеон Сакач у рускей редакциї Радио Нового Саду як помоцнїк главного редактора почал робиц у септембру 1966. року и ту остал по 1973.рок.
Бул активни у роботи КПД „Максим Горки“ дзе єден час бул и предсидатель.Кед основани Аматерски руски театер „Дядя“ бул його перши предсидатель.
Симеон Сакач бул порушовач и реализатор велїх инициятивох у рускей и українскей заєднїци. Анґажовал ше на порушоваю формованю Ґимназиї у Руским Керестуре, виучованя українского и руского язика на новосадским Филозофским факултету, припознаваю українскей национаносци, уводзеню українских емисийох до програми Радио Нового Саду.
Участвовал на пририхтованю снованя Союзу Руснацох и Українцох Горватскей 1969. Зоз ґрупу руских интелектуалцох бул член Инициятивней ґрупи котра формовала Союз Руснацох и Українцох Югославиї у Новим Садзе, 12. мая 1990. року дзе Сакач од 1990. по 2004. бул секретар, а од 2004. року бул и предсидатель.
Бул у ґрупи руских преднякох котри глєдали и обновели емисиї на руским язику РадиоНового Саду после дзешерочного периоду „цихосци“.
Симеон Сакач єден час робел як адвокат, a 1995. року є поставени за судского толмача за руски и українски язик.
Жиє у Новим Саду.