Проф. др Янко Пастернак народзени у Кули 1970. року. На Медицински факултет Универзитета у Новим Садзе уписал ше 1989. року. Як студент бул вецейраз наградзовани за посцигнути успих, а бул и стипендиста Министерства просвити Републики Сербиї, як и Фонду за стипендованє талантованих студентох Новосадского универзитету.
Дипломовал у децембре 1994. року зоз штредню оценом 9,60. На специялизацию общей гирурґиї на Медицинским факултету у Новим Садзе уписал ше 1996. року, а специялистични испит положел з одличним успихом у октобре 2001. року.
Од 1998. року роби як сотруднїк у настави у званю асистента приправнїка, а од 2002. року у званю асистента на Катедри за гирурґию Медицинского факултету у Новим Садзе.
Автор и коавтор є 102 роботох хтори публиковани у фахових часописох и презентовани на медзинародних конґресох у жеми и иножемстве.
Року 1999. бул на фаховим усовершованю на Клинїки за кардиоваскуларну гирурґию Semelvajs универзитета у Будапешту, а у априлу и маю 2006.року бул на фаховим усовершованю на Mayo клинїки у ЗАД.
На постдипломски студиї на наставном предмету Анатомия уписал ше 1998. року, а маґистерску тезу под насловом: «Морфолоґийни характеристики елонґацийох екстракраниялного сеґменту каротидних артерийох» одбранєл 25. юния 2002. року на Медицинским факултету у Новим Садзе.
Дня 04.11.2003. року, по закончених студийох узшей специялизациї васкуларней гирурґиї, здобул назву специялисти узшей специялизациї на Медицинским факултету у Новим Садзе.
Член є Сербского лїкарского дружтва – Дружтва лїкарох Войводини, Здруженя кардиоваскуларних гирурґох Сербиї, Здруженя за васкуларну медицину Сербиї, Наукового одбору Дружтва флеболоґох Сербиї, Европского здруженя кардиоваскуларних гирурґох, Европского здруженя васкуларних гирурґох и Медзинародней анґиолоґийней униї.
Дня 18. децембра 2008. року на Медицинским факултету у Новим Садзе одбранєл докторску дисертацию под назву: «Значносц континуованого провадзеня прецеку артериовенских фистулох за хемодиялизу». Року 2009. вибрани є до званя доцента, а од 2014. року до званя позарядового професора на Катедри за гирурґию.
Длужносц шефа Катедри за гирурґию Медицинског факултету у Новим Садзе окончує од 22.05.2013.року.
Активно хаснує анґлийски и нємецки язик.