Др Владимир Ковач,

дописни член Французкей польопривредней академиї, у Секциї за физико-хемийни науки

Др Владимир Ковач народзени 30. мая 1936. року у Бачинцох, дзе ходзел и до основней школи, а од 1948. року жиє у Новим Садзе.  Ту закончел ґимназию (1956), дипломовал на Польопривредним факултету (1960). На Технолоґийним факултету маґистровал 1969. року, а докторску тезу “Прилог ґу виучованю оксидох за технолоґию вина” одбранєл 1975. року. Робел на Институту за винїцарство и винарство у Сримских Карловцох од 1962. року, а 1971., после реорґанизациї Новосадского универзитета, прешол до Технолоґийного института, дзе постал наукови сотруднїк (1976), висши наукови сотруднїк (1982). До пензиї  пошол у юлию 2001. року.

Бул член Медзинардней орґанизациї  за преучованє полифенолних злученїнох “Groupe poljaphenols”  зоз шедзиском у Нарбону (Французка) од 1971. року. Єден мандат бул член Управного одбору тей орґанизациї.

Од 1976. року бул фахови представнїк Югославиї  у Медзинародней орґанизациї за винову лозу и вина (Office International de la Vigne et du Vin-OIV), а два мандати бул  и предсидатель ґрупи експертох  за “Медзинародни правилнїк о еколоґийних поступкох” котра основана при Зєдинєних нацийох. Од 1976. року вибрани є до роботних целох Медзинародней орґанизациї  за лозу и вино у Паризу. Дописни член Французкей польопривредней академиї, у Секциї за физико-хемийни науки постал 1982. року.

Вельку часц виглєдованьох у обласци винарства мал у лабораториї професора З.Лаволлая на Z.Lavollaja na Conservatorie National des Arts et Metiers   у Паризу.

Участвовал у наукових виглєдованьох  и пребувал у иножемстве у Французкей (Нарбоне, Дийон, Монпеллиер, 1967/68).  На институту за винарство у Нарбону од 1987. по 1992. рок робел на заєднїцкей теми Французкей и Югославиї  на виучованю полифенолних  состойкох грозна и вина. На Универзитету у Паризу (Французка 1973/1974) участвовал на виглєдованю и виучованю полифенолних  состойкох грозна и вина, а на Универзитету у Мадриду (Шпания, 1993/1994) участвовал на виучованю проантоциянидолох, состойки  грозна и вина, котри барз позитивно дїйствую на чловечи орґанизем.

Др Владимир Ковач коавтор  11 нових сортох виновей лози цо достати интра,  або зоз интер специес гибридизацию. Др Ковач тиж так коавтор трох клонох лози сорти ризлинґ италиянски (то перши клони на тих просторох).

Др Владимир Ковач публиковал  119 науково и фахово роботи з обласци винарства. Вон и коавтор кнїжки “Сорти виновей лози”, Нови Сад, 2000. року.

Календар висткох
септембер 2020
M T W T F S S
« Nov    
 123456
78910111213
14151617181920
21222324252627
282930  
Найновше
новембер 6, 2019
новембер 6, 2019
новембер 6, 2019
Нащивце