Руски вертикали

Лидия Фодорнародзена 25. юлия 1989. року у Бачкей Тополї, у Сербиї. Титулу доктора рахункарских наукох здобула кед одбранєла тезу꞉ „Анализа и имплементация класи алґоритмох за дистрибуировану конвексну оптимизацию: Евалуация перформансох и карактеристикох на практичних ХПЦ кластерох” Природно-математични факултет закончела на Универзитету у Новим Садзе. Три роки преподавала информатику у новосадскей Ґимназиї „Йован Йованович Змай”, а од юния 2023. року Лидия доцент на Департману за математику и информатику на Природно-математичним факултету у Нпвим Садзе. Достала награду за найлєпшого сотруднїка у настави…

Злата Паплацко народзена 17. априла 1969. року у Руским Керестуре. Вчас почала бавиц рукомет, на позициї ґолмана. Кариєру почала кед мала 12 роки, кед бавела за Рукометни клуб „Русин” у Руским Керестуре. Потим бавела за Червинку, Вождовац, Темерин, „Напредак” зоз Крушевцу, „Бане Секулич” зоз Зомбора, Юґоинспект и „Уґлед комерц” з Нового Саду, Валенсию зоз Шпаниї, „Будучносц” зоз Подґорици, „Медицинар” зоз Шабцу, Нопал, Индїю. Одбавела вецей як тисяч клубски стретнуца, як и вецей од сто змаганя за репрезентацию. Зоз репрезентацию освоєла…

Владимир Гаргаї народзени 9. юлия 1973. року у Новим Садзе. На Медицинским факултету у Новим Садзе дипломовал 1999. року. Специялизацию з ортопедскей гирурґиї и трауматолоґиї положел 2006. року. Маґистерску тезу одбранєл 2008. року, а докторску дисертацию 2012. року. Од 2004. року анґажовани є як асистент приправнїк на Катедри за гирурґию Медицинского факултету у Новим Садзе. Року 2008. вибрани є за асистента, а 2012. року за доцента. Титулу позарядового професора здобул 2017. року. Од 2020. року роби як позарядови професор на…

Юлиян Надь ше народзел 6. януара 1957. року у Руским Керестуре дзе закончел основну школу и ґимназию (1972-1976.), а 1985. року дипломовал Литературу югославянских народох и народносцох на Филозофским факултету у Скопю. Од 1986. року робел як новинар у тижньових новинох „Руске слово” по вчасну шмерц 26. априла 1989. року. У медзичаше (1988.) робел и у часопису „Шветлосц” и ушорйовал Литературни додаток у новинох „Руске слово”. Живот страцел у Керестуре у транспортним нєщесцу. У своїм краткотирвацим живоце, лєм 33. роки,…

Юлиян Колєсар ше народзел 15. юлия 1927. року у Дюрдьове, а умар 1991. року у Монтреалу (Канада). Основну школу закончел у Дюрдьове, а 1949. року закончел за шлосера. Истого року преходзи до Нового Саду и уписує Стредню школу за применєну уметносц хтору дипломовал 1954. року. Потим ше уписал на Висшу педаґоґийну школу, алє ю нє законел, бо почал робиц у Дневнику, новосадских дньових новинох, по 1958. рок кед емиґровал до Белґиї, остал там два роки, врацел ше до Югославиї, меня…

Томислав Мишир народзени у Вуковаре 9. фебруара 1944. року. Основну школу и ґимназию закончел у Вуковаре, Медицински факултет и специялизацию педиятриї закончел у Заґребе. Робел як педиятер неонатолоґ у породзилїщу КБЦ у Осиєку. Тераз є у пензиї. По нєшка му на горватским язику обявени зборнїк поезиї„Кентаур” (1991-92), роман-драма „Астрална проєкция” (1996), зборнїк поезиї „На приходу Вуковару” (1997), „Хронїка єдного Вуковару” (2004), „Пияц у Вуковаре – Вашар у Нуштру” (2006), „Нови часи у Вуковаре” (2007), „Карчми у Вуковаре” (2008), „За часу…

Симеон, Сима, Рамач ше народзел 8. новембра 1937. року у Дюрдьове, дзе закончел основну школу, а после стреднєй ше уписал на малярство на Академиї у Заґребе. После першого року Симеон преходзи на Економски факултет до Беоґраду, дзе дипломовал 1961. року, и такой почал робиц як шеф рахунководства у Тузли, одкаль прешол до Кули, а 1965. року до Руского Керестура за директора тедишнєй Земледїлскей задруґи „Перши май”. Указал ше як винїмково способни привреднїк хтори, зєдинююци даскельо менши валалски привредни субєкти, створел…

Оксана Тимко Дїтко (дзивоцке Тимко), дохтор филолоґиї, слависта, порядна професорка на Филозофским факултету у Заґребе народзена у Вербаше, 31. мая 1965. року у Войводини, Сербиї. Оксана Тимко 1992. року дипломовала общу линґвистику на Филозофским факултету у Заґребе. Од 1992. по 1997. рок була на постдипломних студийох у Ужгороду, у України, дзе 1997. року одбранєла маґистерску роботу под назву „Ботанїцка и зооолоґийна лексика бачванских Руснацох”. Од 2001. року є занята на Катедри за українски язик и литературу дзе 2006. року одбранєла…

Др Марияна Шпика Ачански, (мац єй Рускиня, Наталия Малацко з Руского Керстура), народзена 3. априла 1963. року у Новим Садзе, дзе закончела основну и стредню школу з одличним успихом, а потим уписала Технолоґийни факултет у Новим Садзе. Порядни студиї закончела 1987. року и такой предлужела треци ступень студийох, маґистерски студиї, по тедишнїм способе студированя, же би по одбрану дохтората зоз технолоґийних наукох сцигла 1999. року. Пред тим, ище 1989. року, достала роботу як асистентка на матичним факултету на хторим успишно…