Югославянска филмска и театрална ґлумица
По оцови Миї котри народзени у Беркасове Ирена Колесарова Рускиня. Вона ше нє одрекала руского походзеня, як доказ служи факт же по власней дзеки у свой час, уж як славна ґлумица, нащивела Руски Керестур и Петровци.
Ирена Колесар (Колєсар) народзена у Славонским броду 22. новембра 1925. року як дзеверочне дзивче зоз родичами ше преселєла до Заґребу.До Народно ошлєбодутельго руху ше укапчує як 17 рочна дзивка.На предклад команданта Тринастей пролетерскей бриґади Милана Жежеля, народного героя, постава членїца партизанскей тетралней ґрупи.По законченю войнни уходзи до ґлумецкого ансамбла Заґребацкого казалишта.На поволанку режисера Вєка Африча бави главну женску улогу у першим югославянским повойним филму „Славица“. Премиєра филма була на яр 1947. року и под час седемздешат роки тирваня того филма видзели го прейґ 2 милиони патрачох а Ирена Колесар постала и остала права и перша ґлумица послевойнового югославянского филма.
На поволанку Бояна Ступици 1953. року приходзи до Беоґраду и постава теди ґлумица ново установеного Югославянскоги драмского театру дзе остава до пензионованя 1973. року. Єй Офелия у Шекспировим Гамлету режисера Марка Фотеза спрам думаню шветових шекспиролоґох єдна з найлєпше одбавених.На Дубровацких лєтнїх бавискох Ирена Колесарова 15 роки углавним бавела у Шекспирових драмох.
Под час своєй театралней кариєри одбавела 76 улоги, 6 главни женски улоги у филмох и коло двацец у ТВ драмох и серийох.Филмски фестивал у Пули єй 1981. року додзелєл и Златну арену за доприношенє филмскому творительству.
Театрална ґрупа младих ґлумцох зоз Сримскей Митровици ноши мено Ирена Колесар.
Ирена Колесар умарла у Заґребе 3. септембра 2002. року у доме за старих.
Литература
- На интернету мено Ирена Колесар ше спомина на вецей як седем бокох
https://mojtv.hr/filmografija/glumac/26429/irena-kolesar.aspx