НАР

Ана Римар Симунович народзена 9. децембра 1991. року у Новим Садзе, дзе закончела основну школу и ґимназию, и дипломовала на Катедри за руски язик и литературу Филозофского факултета, мастеровала и на концу докторовала 2023. року, на теми Мит завичая у дїлу Михала Ковача у контексту рецепциї українскей литератури. Од 2019. року роби на Филозофским факултету як асистент за наукову обласц русинистики, пред тим робела як лектор у Новинско-видавательней установи „Руске слово” як лектор и прекладала зоз українского. Мастер роботу Уплїв…

Ивана Будински зоз Руского Керестура народзена 10. авґуста 1987. року у Вербаше. Основну школу и Ґимназию „Петро Кузмяк” закончела у Руским Керестуре, а 2006. року уписала биолоґию на Природно-математичним факултету у Новим Садзе. Мастеровала 2011. року, а докторовала на Биолоґийним факултету Универзитета у Беоґраду у децембру 2019. року. Ивана Будински занята на Оддзелєню за ґенетични виглєдованя Института за биолоґийни виглєдованя „Синиша Станкович“ Универзитета у Беоґраду, цо Институт од националного значеня за Републику Сербию. Хвильково у академским званю є висши наукови…

Борис Варґа зоз Руского Керестура народзени 9. марца 1975. року у Кули. Основну школу закончел у Руским Керестуре. Бул єден зоз школярох котри 1990. року уписали обновену Ґимназию „Петро Кузмяк”. После законченей Ґимназиї уписал львовски Национални универзитет мена Ивана Франка, на Катедри за медзинародну журналистику и информациї котри з титулу бакалавра закончел 1999. року. На тей истей Катедри 2000. року маґистровал, а 2012. року докторовал на Факултету политичних наукох Универзитета у Беоґрадзе, у обласци политиколоґия – компаративни сучасни политични системи.…

Др. сц. Светлана Стойков народзена 22. юния 1967. року у Кули. Основну школу закончела у Руским Керестуре а штредню медицинску школу „Др Ружица Рип“ у Зомборе, напрям-фармацеутски технїчар. 1990. року дипломовала на Фармацеутским факултету, Универзитета у Сараєву. 2008. року закончела и Економски факултет у Суботици. 2016. року докторовала на Фармацеутским факултету Универзитета у Беоґраду, на Катедри за Социялну фармацию и фармацеутске законодавство, дзе закончела и специялистични академски студиї Фармакоекономия и фармацеутска леґислатива (2006) и Фармацеутски менаджмент и маркетинґ (2008) На…

Михал Лїкар народзел ше 8. септембра 1954. року у Дюрдьове. Ту закончел и осем класи основней школи, а вец ше уписал до Машинскей школи у Жаблю. Кед постал полнолїтни, музика постала його основна животна преокупация. Постал член тамбурового оркестра у КУД „ Тарас Шевченко“. Пошвидко ше и нотално описменєл и здобул стабилнєйшу основу за дальше индивидуалне усовершованє. Уж на початку осемдзешатих рокох почал и компоновац, кед му було 28 роки. Од того часу вон ше почал занїмац и зоз музичну…

Петро Файфрич народзени 15. фебруара 1942. року у Беркасове при Шиду, дзе закончел и основну школу. Ище як дванацрочни хлапец почал бавиц рукомет, 1957. року уписал Польопривредну школу у Шапцу и предлужує ше занїмац зоз спортом. Успишно бавел и фодбал (наступал за ФК „Борец” зоз Шабцу) и рукомет. После штреднєй школи уписал Польопривредни факултет у Земуну и постава бавяч екипи РК „Младосц”. После Младосци преходзи до РК „Червена гвизда”, вец до Динама з Панчева. Потим постава член историйней екипи Червинки…

Маґдалена Горняк-Лелас ше народзела у Дюрдьове 31. авґуста 1936. року. Oсновну школу закончела у Дюрдьове, а потим уписала до Стреднєй музичней школи „Исидор Баїч“ у Новим Садзе. Зпотим як закончела музичну школу, почала робиц як наставнїца клавира у Основней музичней школи у Вербаше школского 1955/56. року, а вец, пре проблеми коло путованя з Нового Саду до Вербасу, прешла на роботу до оддзелєня документациї Сербского народного театра у Новим Садзе, дзе робела по 1960. рок. Од 1961. року роби як наставнїца…

Силвестер Такач бул член першей шампионскей ґенерациї ФК „Войводина” зоз 1966. року и єден з найлєпших бавячох и найлєпших стрилцох у историї того фодбалского клуба. Народзени є 8. новембра 1940. року у Дюрдьове, у рускей фамелиї зоз дзевецерима дзецми, хтора барз швидко остала без обидвоїх родичох. Кед мал лєм пейц роки, його фамелия се приселєла до Нового Саду дзе закончел основну школу и виучел за скравца, а познєйше и дипломовал на Висшей економскей школи. До юниорского тиму ФК „Войводина” вошол…

Злата Паплацко народзена 17. априла 1969. року у Руским Керестуре. Вчас почала бавиц рукомет, на позициї ґолмана. Кариєру почала кед мала 12 роки, кед бавела за Рукометни клуб „Русин” у Руским Керестуре. Потим бавела за Червинку, Вождовац, Темерин, „Напредак” зоз Крушевцу, „Бане Секулич” зоз Зомбора, Юґоинспект и „Уґлед комерц” з Нового Саду, Валенсию зоз Шпаниї, „Будучносц” зоз Подґорици, „Медицинар” зоз Шабцу, Нопал, Индїю. Одбавела вецей як тисяч клубски стретнуца, як и вецей од сто змаганя за репрезентацию. Зоз репрезентацию освоєла…

Юлиян Надь ше народзел 6. януара 1957. року у Руским Керестуре дзе закончел основну школу и ґимназию (1972-1976.), а 1985. року дипломовал Литературу югославянских народох и народносцох на Филозофским факултету у Скопю. Од 1986. року робел як новинар у тижньових новинох „Руске слово” по вчасну шмерц 26. априла 1989. року. У медзичаше (1988.) робел и у часопису „Шветлосц” и ушорйовал Литературни додаток у новинох „Руске слово”. Живот страцел у Керестуре у транспортним нєщесцу. У своїм краткотирвацим живоце, лєм 33. роки,…