Архитекта перши добитнїк Табаковичовей награди за архитектуру

Павле Жилник народзени 6. юния 1920. року у Новим Садзе дзе достава основне и штреднє образованє.Студиї архитектури почал у Беоґраду, а на початку  Другей шветовей войни преходзи до Будапешту дзе после штири  роки студийох абсолвує на Архитектонским одсеку Технїчкоґо Универзитету. Дипломовал 1949. у Беоґраду.У своїм фаху почал робиц ище 1946. року  у Оддзелєню  за будинки АП Войводина.Концом 1977. Вибрани є за доцента Академиї уметносцох у Новим Садзе дзе робел  у свойстве позарядового професора одкадз пошол до пензиї 1991. року.

Проєктовал  административни, дїловни, погосцительни и квартельни обєкти : ресторани на Иришким венцу, у Каменїцким парку и новосадским Рибарцу.Тоти обєкти представяли у свой час приклад тедишнього модернизма дзе схопно Жилник комбиновал розлични материяли: дево, камень, скло и цеглу. Вон препознати и як архитекта котри проєктовал даскельо будинки новинско видавательних хижох формуюци их дискретно алє зоз препознатлївим арихитентонско естетским виразом.Аутор є проєкта „Студия М „ у Новим Садзе, Новинско видавател.ней хижи „Форум“ тиж у Новим Садзе и новосадского „Дневника“, новинско видавательней хижи „Нашо слово“ у Зеници, Новинско видатвательней установи „Руске слово“ у Руским Керестуре.Проєктовал и задружни доми у Вербаше и Тителу, Ґинеколоґийну клинїку у Новим Садзе, ентериєр Малей и Велькей сали Скупштини Войводини, памятнїк НОБ у Сурдуку,  даскельо квартельни обєкти у Новим Садзе,будинки основних школох у Сенти, Томашевцу, Беочину, Коцуре.Аутор є архитектонских ришеньох радио релейох на Червеним и Чарним Чоту, добудови будинку Радио Нового Саду, церквох у Ґосподїнцох и Лишнї.

Добитнїк є вецей друштвених припознаьох од котрих Октоберска награда городу Нови Сад за 1966. рок .Павле Жилни   перши  добитнїк  Табаковичевей награди  котру додзелює Дружтво архитектох Нового Саду.

Литература

  1. М. Крстоношич, Врхунска акустика, Дневник 25. новембер 1965.
  2. В. Миторвич, Архитекта Павле  Жилник, каталоґ вистави, Нови Сад 1995.
  3. В. Митрович, 10 роки Табаковичовей награди за архитектуру,каталоґ вистави, Нови Сад 2006.
  4. http://dans.org.rs/1995-pavle-zilnik/
  5. http://dans.org.rs/wp-content/uploads/2016/06/1995-PAVLE-ZILNIK.pdf
  6. http://www.leksikon.asa.org.rs/22-2015-09-30-20-03-16/196-08-7
  7. http://www.vuu.org.rs/kroz-granje-nebo-arhitektura-novog-sada-devedesetih
  8. http://bif.rs/2012/06/novi-zivot-spomenika-revolucije/
  9. http://www.ruskeslovo.com/2017/11/26/69972/%D0%9D%D0%B0%D1%88%D0%BB%D1%97%D0%B4%D1%81%D1%82%D0%B2%D0%BE-%D0%BF%D0%BE%D0%B7%D0%BD%D0%B0%D1%82%D0%BE%D0%B3%D0%BE-%D0%B0%D1%80%D1%85%D0%B8%D1%82%D0%B5%D0%BA%D1%82%D0%B8/
  10. http://www.rtv.rs/sr_ci/studio-m/istorijat/
  11. Павле Жилник, Доприношенє Руснацох розвою Нового Саду, аудио сериял , Новинарска асоцияция Руснацох, продукция 2016.