Порядни професор на Факултету технїчних наукох Универзитета у Новим Садзе

Народзени є у Кули 24.11 1945 .Дзецинство препровадзел у Дюрдьове.Ту закончел основну школу. Ґимназию у Новим Садзе  уписує 1960. после ґимназиї Машински факултет у Новим Садзе.Закончує го 1969. дзе маґиструє, дохторира и роби. Єден час жил и робел у Нємецкей у єдней познатей проєктней фирми ( 1970-1974).Професийни живот на Факултету технїчних наукох у Новим Садзе предлужел 1975. Порядни професор на тим факултету постал 1995. а як професор по поволанки (invited professor) пребувал и робел на универзитетох у Япону, Енґлескей, Портуґалу, Нємецкей.Кажде од тих пребуваньох на Планчака охабело моцни упечаток у професийним алє и културолоґийним и каждим друćим змислу.Професор Планчак ма прейґ 200 науково роботи и 7 обявени кнїжки у обласци машинства  а у швеце науки є препознати як фаховец за пластични деформациї металох.

Бул подпредсидатель Дружтва за нємецки язик, литературу и културу. У медзичаше бул пейц роки вицеректор Универзитета у Новим Садзе (2004-2009) а главна задача му  була имплементация Болоньскей декларациї на шицких Факултетох . Универзитета у Новим Садзе. Найлєпше и найвреднєйше у живоце, спрам його словох, „то мойо дзеци, моя фамелия. Зоз супругу Бранку мам дзивку Єлену и сина Владимира а наздавам ше же нас будзе и вецей“.

До пензиї Мирослав Планчак пошол 2013. року и вше вецей часу препровадзує у викендици на Фрушкей Гори.

 Литература

  1. На интернету под меном проф. др Мирослав Планчак ше находзa податки на вецей як 10 бокох
  2. http://www.std-tomin.com/jjz/plancak.html
  3. http://www.donaudreieck.org/galerija_prikaz.php?id_gal=83&lng=sr&fl=1&id_ust=19
  4. https://nar.org.rs Мирослав Планчак, Доприношенє Руснацох розвою Нового Саду, аудио сериял , Новинарска асоцияция Руснацох,  продукция 2016.