Роберт Джуджар зоз Руского Керестура народзени 28. марца 1989. року у Вербаше. Основну школу и Ґимназию „Петро Кузмяк” закончел у Руским Керестуре, а потим уписал физику на Природно-математичним факултету у Новим Садзе, мастеровал астрофизику у Австриї/Италиї а титулу доктора астрофизики здобул на Свинбурн Универзитету у Мелбурну у Австралиї.

През свойо школованє, на мастер студийох, два роки доставал стипендию Еразмус Мундус, з А катеґориї, а на докторских студийох достал СУПРА стипендию котру хасновал три и пол роки. На Свинбурн Универзитету штири семестри робел як асистент у настави за предмети еНаука, Електронїка и Пренаходзенє универзума.

Стажирал три мешаци як девелопер за компанию Astronomy Data and Computing Services.

Написал даскельо науково роботи꞉ The Neutral Hydrogen Properties of Galaxies in Gas-rich Groups (https://arxiv.org/abs/1812.08302); Group pre-processing versus cluster ram-pressure stripping: the case of ESO156-G029 (https://arxiv.org/abs/1909.01509); Environmental processing of galaxies in HI-rich groups (https://arxiv.org/abs/2011.01438).

Тиж, єден є и зоз коавторох статьох꞉ Angular momentum regulates HI gas content and HI central hole size in the discs of spirals (https://arxiv.org/abs/1811.11386); Angular momentum-related probe of cold gas deficiencies (https://arxiv.org/abs/2002.09083); The HI in Ring Galaxies Survey (HI-RINGS) — Effects of the bar on the HI gas in ring galaxies (https://arxiv.org/abs/2304.00515).

На Гакатону #DigitalDefence завжал перше место.

Робер Джуджар препровадзел 87 годзини док знїмал ґалаксиї у ґрупох на телескопу у Австралиї у рамикох проєкта Австралийски телескопски шлїд и 307 годзини за знїманє персценьових ґалаксийох. У проєкту Нобеяма тиж знмал ґалаксиї у ґрупох и то 45 годзини у Япону.

Хвильково є заняти як науковец за податки, а люби програмовац у програми Python. Почал ше занїмац и зоз диґиталну илустрацию, а пририхтує илустровану кнїжку за дзеци „Шпациранє по вселени”. Вецей його илустрациї мож поопатрац на сайту https://mastodon.social/@robertdzudzar.

  1. Роберт роби и як девелопер веб-сайт апликацийох, а потераз обавени апликациї то Анализатор Дистрибуцийох” https://share.streamlit.io/rdzudzar/distributionanalyser/main/main.py
  2. “Виберанки Фарбох” https://color-extractor.streamlit.app/
  3. “Персценясти Ґалаксиї” https://hi-rings.streamlit.app/.

Контакт:

Линкедин: https://www.linkedin.com/in/robertdzudzar/

Фейсбук: https://www.facebook.com/robert.dzudzar

Имейл: robertdzudzar@gmail.com