Ясна Папуґа з Руского Керестура народзена 6. априла 1984. року у Вербаше. Основну школу и Ґимназию „Петро Кузмяк” закончела на руским мацеринским язику. Под час ґимназийского школованя два раз була у Виглєдовацкей станїци „Петница” на семинарох за математику.
Найвекши успих у тим периодзе бул пласман на Републичне змаганє зоз математики у Панчеве, а Ґимназию закончела як школярка ґенерациї.
Потим уписала физику на Природно-математичним факултету на Универзитету у Новим Садзе, дзе на основи посцигнутого успиху на перших двох рокох достала стипендию Универзитета, котру доставаю лєм тройо найлєпши студенти на цалим факултету уключуюци шицки департмани (математика, физика, хемия, биолоґия и ґеоґрафия).
Ясна перша дипломовала у ґенерациї и остала робиц як асистент у ґрупи за нуклеарну физику.
Докторски студиї уписала на КУ у Леувену у Белґиї. После одбрани доктората 2015. року вишла зоз академских водох и почала робиц у индуструї.
Хвильково роби як сертификовани инженєр у консултантскей фирми котра дава свойо услуги у обласци електричного и машинского дизайну, мехатронїки, роботики и медицинских пошореньох.
Бешедує по анґлийски и холандски.
У шлєбодним чаше люби путовац и час препровадзовац у природи.
Контакт: www.linkedin.com/in/jasna-papuga