доцент на Универзитету у Новим Саду, новинар, редaктор, есеїста
Стеван Константинович народзени 1964. року у Сримкей Митровици. Жил , школовал ше и робел у Шиду, Сримкей Миторвици, Сримских Карловцох, Кракове и у Новим Саду. Дипломовал, маґистровал и докторовал на Филозофским факултету у Новим Саду. Професийну кариєру почал як новинар НВУ „Руске слово“. Бул новинар „Дневнику“ и ТАНЮҐ-у.Сотрудзовал зоз НИН-ом, Ставом, Гласом младежи, Сримскима новинами, зоз польскима, америцкима и кандаскима новинами и часописами.Єден є од сновательох часописа „Шидина“ зоз Шиду дзе бул и редактор.Тиж бул редактор „Зборнїка“ Висшей школи за образованє воспитачох у Сримскей Митровици як и „Дзециньского маґазина“ у Новим Саду.
Робел як совитнїк за штреднє образованє у ПС за образованє и културу. Снователь є и бул о.д. директора Штреднєй медицинскей школи „Козма и Дамян“ у Вербаше.Робел як професор у високих школох фахових студийох за образованє воспитачох у Вршцу, Сримскей Митровици, Суботици и на Академиї уметносцох у Беоґраду. Тераз є доцент на Одсеку за русинистику Филозофского факултета у Новим Саду.
Обявел осем кнїшки. Прекладани є на мадярски, українски и российски язик.Преложел приповедки Василя Стефаника зоз українского на серпски язик. Фахово тексти , литературну критику, есеїстику обявює на руским, серпским, польским, соловенaцким, румунским и анґлийским язику. Достал награду часописа Шветлосц «Микола М. Кочиш» зa 2006. Рок .Ауторски кнїшки му медзи иншим: Калдерма читаня и думаня : интерпретациї (Нови Сад, 1990), Приповедки о Руснацох, (Шид, 1995), Руска проза од Гнатюка по 1941. рок : интерпретациї (Нови Сад, 2008), Руска усна литература: студия (Нови Сад, 2011).
Литература
- На интернету мено Стеван Константинович ше зявює на трох бокох