Пияниста, педаґоґ
Др Дарко Варґа народзени 13. юния 1987.у Любляни (СФРЮ). Нїзшу музичну школу закончел у Бачкей Тополї у класи професорки Маґди Боґданов, сотрудзовал и зоз настанїком Александром Новаковичом и професорку Марию Секель у чиєй класи закончел и штредню музичну школу.Бул школяр ґенерациї.
Дипломовал клавир на беоґрадскей Музичней академиї у класи професора Нинослава Живковича 2010. Усовершовал ше при др Edvarda Turgeona, др Heather Coltman и Michael Gurta. Сотрудзовал зоз визначнима музичарами: Йованку Баняц, Нандором Дєрдьом, Риту Кинку, Аяко Тсурта, Peter Miyamotom, Wei-Yi Янґом Еуґеном Индїчом, Erikom Heidsieckom, Jean-Francoa Antonijem, Ann-Louise Turgeon, Josephom Gurtom, Jonathanom Bissom, Naum Starkman, Vladimir Krainev и другима.
Наступал зоз орхестру ‘’Virtuosi di Praha’’, Войводянску и Суботицку филхармонию. Сотрудзовал зоз дириґентами Oldrichom Vicekom, Бериславом Скендеровичом и Пашком Чабом.Хосцовал у велїх городох Сербиї, Горватскей Мадярскей, Италиї, Белґиї, України , Ческей и ЗАД.
Ношитель є найвисших наградох: Мемориялу клавира „ Исидор Баїч“ у Новим Саду, потим Беоґраду, Нишу, Краґуєвцу, Шапцу и иножемстве ‘’Usti nad Labem’’и ‘’Czerny’’ (Чешка), EPTA Намур (Белґия), Горватска. Достал награду ‘’Ferenc Bodrogvari’’ у Суботици и Покраїнску награду Нового Саду. На школованє до ЗАД одходзи 2012. року.Закончел мастер клавира на Florida Atlantic University, 2014.року у класи др Edvarda Turgeona i др Heather Coltman, дзе бул анґажовани як асистент. Бул у розличних камерних составох и наступал зоз оперскима шпивачами Birgit Fioravante, Sandrom Moon и Deanom Petersonom и гушляром Garethom Johnsonom.
У 2016. року наступел на Медзинародним симпозиюму Прокопєф у Baton Rouge-u як солиста на концерту LSU Gala.
Победзел 2017. року на змаганю ‘’Marjorie Stricklin Artist Competition’’ дзе грал концерт за клавир число 2. Серґея Рахманїнова зоз Monroe Симфонийну орхестру.
Др Дарко Варґа закончел докторски студиї у маю 2018. на державним Универзитету у Батон Роуджу у Луизияни (ЗАД), дзе є анґажовани и як асистент.
Литература
- Интеґрални текст за биоґрафску єдинку Дарко Варґа (сербски)
- На интернету ше мено Дарко Варґа спомина на вецей як трох бокох
- https://www.youtube.com/watch?v=9YfpTsb8vJA
- https://www.youtube.com/watch?v=Z5IjFiv_zGg