Борис Варґа зоз Руского Керестура народзени 9. марца 1975. року у Кули. Основну школу закончел у Руским Керестуре.
Бул єден зоз школярох котри 1990. року уписали обновену Ґимназию „Петро Кузмяк”. После законченей Ґимназиї уписал львовски Национални универзитет мена Ивана Франка, на Катедри за медзинародну журналистику и информациї котри з титулу бакалавра закончел 1999. року. На тей истей Катедри 2000. року маґистровал, а 2012. року докторовал на Факултету политичних наукох Универзитета у Беоґрадзе, у обласци политиколоґия – компаративни сучасни политични системи.
Видал осем кнїжки з обласци литератури, публицистики и науки по руски и по сербски. Наградзени є за литературу (1998) и новинарство (2019).
Заняти є у НВУ „Руске слово” дзе робел як одвичательни редактор часописа за младих МАК, главни и одвичательни редактор новинох „Руске слово”, а од 2018. року окончує функцию директора Установи.
Жиє у Новим Садзе.