Исо Планич ше ище на студийох почал занїмац зоз горяцтвом. На Природно-математичним факултету у Новим Садзе закончел 1991. року студиї ґеоґрафиї. Достал роботи у Суботици дзе робел у даскелїх основних школох. Пременєл осем школи док ше нє застановел у Хемийско-технолоґийней и Политехнїчней школи у хторей є од 2009. року директор.
У своїм городу инициорвал правенє штирох штучних стинох (нарисовал, обдумал, виплановал и участвовал у правеню) и так зоз сотруднїкмаи принєсол єден спорт хтори тераз олимпийски. Уведол и акцию „Суботица ше шейта – шпациранє по околїску городу”.
Зоз горяцтво ше почал занїмац на студийох, цо обгрунтовал з тим же ше ґеоґрафию найлєпше учи на ногох. Року 2000. достал поволанку од Горяцкого союзу Сербиї (на чиїм є чолє од 2018. року) же би участвовал у медзинародней експедициї на Арарат у Турскей, верх високи понад 5.100 метери. на основи того резултату достал стипендию Министерства омладини и спорту.
Исо Планич ше випендрал на 5 верхи висши од 8.000 метери. Перши верх понад 8000 метери Планич осволє 2004. року. Його експедиция ше випендрала на верх Щищапнґма (8.012м)м як часц пририхтованьох за Монт Еверест. Бул член Войводянскей Еверест 8.848 експедициї Яр 2005, хтора ше успишно випендрала на Монт Еверест 29. мая 2005. року.
Потим ушлїдзели пендраня на Ґашербрум II (8.035) 2006. року и Ґашербрум I (8.068) 2006. року. По Планичовим думаню, тот „скрити верх” на Каракоруму му бул найчежшиж Пендранє на Гималаї дзекуюци шерпом єдноставнєйши, а верхи Каракорума менєй нащивени. Верх Брод Пик (8.047м) освоєл 2007. року.
Року 2008. Горяцки союз Войводини орґанизовал и штирочлену експедицию (Миливой Ерделян, Исо Планич, Дрен Мандич и Предраґ Заґорац) под назву „Сербия – К-2 2008” на К2, други найвисши верх на швеце. Були у медзинародним тиму од коло трицец горякох хтори го пробовал и одустал после страшного нєщесца хтора застала пендрачох 1. авґуста на 8.150 метери висини.
У юнию 2013. року випендрал ше на Хуаскаран (6.768 м) у Перуу, штвафрти найвисши верх южней жемовей полулабди.
Од 2018. року на чолє є Горяцкого союзу Сербиї.