Андреа ПАЛАТИНУС*

АНДРЕА ПАЛАТИНУС (1983, Суботица). Закончела штирирочну приватну школу применєних уметносцох (одсек илустрациї) у Лиону (Французка), а потим на паризскей Сорбони, на одсеку подобовей уметносци студирала малярство. Занїмала ше зоз стрипом и дзецинску илустрацию. У своїм уметнїцким опусу ма широки розпон подобового виражованя; од фиґурациї по абстракцию, як и жаданє за експериментованьом зоз подобовима технїками, медзи котрима найвецей хаснує  акварел и китайски туш. Ґу розличним темом приступа на розлични способи. У новшим чаше найбаржей ю интересує женски акт, швет рошлїнох и животиньох.

Мала даскельо колективни вистави у Французкей, як и два самостойни у Монтреалу, у Канади, дзе пребувала єден час по законченю студийох.

Нєшка жиє и твори у Паризу.

*текст Ирини Гарди Ковачевич превжати зоз каталоґа за виставу у Суботици 17. януара 2018.