Mаляр, дизайнєр, мултимедиялни творитель

 Владо Няради народзени 16. юния 1966. року у Вербаше.Закончел Школу за дизайн, ґрафички одсек у Новим Саду.Самостойно викладал у жеми и иножемстве 54 раз , а на колективних  жирираних виставох, салонох, биєналох и триєналох по цалим швеце  прейґ 700 раз.По думаню комисиї котра составена од историчарох уметносци и подобових критичарох зоз цалого швета Владо Няради вошол до узшого вибору за „ 100 малярох будучносци“ у Лондону 2014. У конкуренциї уметнїкох зоз цалого швета.Наградзовани є за малярство, ґрафику, рисунок, уметнїцку фотоґрафию, ґрафични дизайн, мейл арт, драму и сатиру.Аутор є прейґ трицец инсталацийох, перформансох як и вецей сценоґрафийох.Уметнїцки твори му заступени у ґалерийох и музейох як и приватних збиркох у нас и у швеце.Леґати уметнїцких творох му ше находза у Музею Козара у Приєдору ( Босна и Герцеґовина) и Серпским културним центру Святи Сава у Суботици.Збирка малюнкох му и у Доме здравя „Веько Влахович“ у Вербаше.

Заступени є у штернац моноґрафийох, антолоґийох, лексиконох, енциклопедийох, едицийох и атласох.Член є:  Здруженя подобових уметнїкох Сербиї (УЛУС), Здруженя подобових уметнїкох, применєних уметнїкох и дизайнерох Сербиї (УЛУПУДС), Союзу здруженя подобових уметнїкох Войводини (СУЛУВ), Здруженя подобвих уметнїкох, применєней уметносци и дизайнерох Войводини (УПИДИВ), Друштва новинарох Сербиї.Участвовал у снованю АРТПОТ-а чиї є и актуални предсидатель ( Асоцияция руских подобових творителжох  жемох штреднєй Европи и сиверо америцкого континента).

Медзинародну уметнїцку колонию „Няради“ оснвал 1997. року.Зоз своїма явнима виступами Няради ше заклада за снованє ґалериї и музея за Руснацох з оглядом же таких институцийох нєт у рускей заєднїци котра жиє у Сербиї.

Занїма ше зоз рисунком, малярством, скулптуру, уметнїцку фотоґрафию, видео уметносцу, дизайном и подобову критику. Петнац роки свойо уметнїцке знанє преноши на младих алє и старших котри ше занїмаю зоз подобову уметносцу.

Видал мапу ґрафикох „Карпатски мит“ 2014. oд котрих ше єдна находзи у стаємней колекциї Ґалериї Матици серпскей у Новим Саду.

Аутор є осем драмских текстох. Од 2015. року  з боку комисиї репрезентативного Здруженя подобових уметнїкох Сербиї (УЛУС) Владо Няради ма статус самостойного уметнїка.

Мейл адреса: vladonjaradi@gmail.com

Литература

  1. Мено под биоґрафску єдинку Владо Няради на интернету ше находзи на осем бокох.