Еуґен III КОЧИШ*
Дипломовани маляр–ґрафичар, писатель
Еуґен III Кочиш (1955, Коцур). Дипломовал 1981. року на Академиї применєних уметносцох у Беоґрадзе, на ґрафичним одсеку у класи професора Божидара Джмерковича. Творчи початки вязани за Зомбор. Гоч по образованю дипломовани маляр-ґрафичар, Еуґен Кочиш постава найпрепознатлївши по своїх специфичних малюнкох моцного блїщацого колориту, нєзвичайних сценох як и нєвичерпней фантазиї часто у комбинациї зоз нєочекованима предметами. На початку творчосци, пририхтовал вистави у ґалериї „Подобова єшень” у Зомборе 80-тих и 90-тих рокох. Остала запаметана гевта з нагоди означованя 250 рокох присельованя Руснацох на тоти простори у Аполо центру у Новим Садзе 1995. року. Були то концептуално обдумани авдио-визуални перформанси.
Попри мальованя, занїмал ше и зоз писаньом. Автор є драмского тексту „Путованє до Нанту” по котрим представа у виводзеню Народного театра Зомбора достала Стерийову награду (1997). Малюнки му ше находза у велїх приватних колекцийох у жеми и иножемстве.
Остатнїх рокох жиє и твори у Суботици.
Литература
- Мено Еуґен III Кочиш ше на интернету зявює на вецей як шейсц бокох
*текст Ирини Гарди Ковачевич превжати зоз каталоґа за виставу у Суботици 17. януара 2018.