Педаґоґ, прекладатель
Иван Канюх народзени 1899. Року у Руским Керестуре.Основну школу закончел у Руским Керестуре. Ґимназию у Вербаше закончел за два роки. Школованє предлужел у Будапешту, Берлину и Беоґраду дзе студирал философию и язики насампредз старо гречески и латински. Мал притоку ґу ученю язикох та добре знал франсузки и нємецки. Знанє старогреческого и латинского язика одведли го трицетих року двацетого вику до Битолю и Охриду дзе участвовал як член фахового тиму на археолоґийних викопованьох на локалитету Хераклеї Линкестис котри нєшка под защиту УНЕСКА.Професор Иван Канюх прекладал вецей дїла старогреческих философох, найчастейше Платона и то у периодзе од 1930. по 1939.
Бул оженєти зоз Олґу Симич зоз котру мал двох синох Владимира котри член Сербскей академиї наукох и уметносци и Дьордя котри тиж мал високу академску кариєру.
Иван Канюх после Другей шветовей войни бул директор Учительскей школи у Земуну а єден час робел на Висшей педаґоґийней школи у Беоґрадзе.
Умар 1951. Року у Беоґраду дзе є и поховани.