Archive

Юлиян Рамач Чамо народзел ше 21. децембра 1963. року у Руским Керестуре. Основну школу закончел у своїм валалє, а Стредню музичну школу „Исидор Баїч“ (оддїл музични сотруднїк) у Новим Садзе. После законченя стреднєй школи уписал ше на Академию уметносцох у Новим Садзе дзе одслухал три семестри и претаргнул студиї, и 1986. року почал робиц у Доме култури у Руским Керестуре як музични сотруднїк и корепетитор. Попри тим, вон вецей роки пририхтовал музични точки у вецей руских културно-уметнїцких дружтвох зоз тамтейшима…

Славко Надь з Руского Керестура народзени 24. юлия 1966. року, дзе закончел основну и штредню школу, а Учительски факултет у Зомборе. У чежких часох войни и безпенєжносци обновел ученє руского язика у Шидзе, Бачинцох, Беркасове и Бикичу дзе пожертвовно одходзел од 1995. по 2000. школски рок. Бул член Дружтва за руски язик, литературу и културу, потримовал отримованє Стретнуцох руских школох на хтори брал учасц зоз рускима школярами. Єден рок окончовал длужносц директора Дома култури Руски Керестур, а потим свою учительску…

Сенка Бенчик, дзивоцке Папуґа, народзена 28. децембра 1973. року у Бачкей Тополї, дзе закончела и основну школи. Штреднє образованє педаґоґийного напряму закончела у Образовним центре „Петро Кузмяк” у Руским Керестуре (1992.), Педаґоґийну академию у Суботици (1998.), a Учительски факултет у Зомборе (2002.). Два мастерски роботи на Филозофским факултету у Новим Садзе одбранєла 2012. и 2017. року. На виучованю руского язика як виборного предмету зоз елементами националней култури зоз новоораховскима школярами, з потримовку Дружтва за руски язик, литературу и културу, почала…

Леона Доротич Ґутеша народзена 8. фебруара 1938. року у Руским Керестуре. Основну школу закончела у родним валалє, а 1954. року фамелия ше преселєла до Нового Саду дзе ю оцец вжал за шеґерта до свойого скравацкого мигелю, а паралелно закончела и тророчну шеґертску школу. Кед ше у Новим Садзе отворел дзецински шпиталь, прията є робиц на допатраню хорих дзецох и источашнє ходзела и до школи за тот фах. Потим ше уписала до поряднєй штреднєй медицинскей школи, а источашнє и робела далєй…

Звонимир Павлович з Нового Саду народзени 15. юлия 1955. року у Руским Керестуре. Основну школу и ґимназию закончел у Новим Садзе, дзе и абсолвовал историю на Филозофским факултету. Початком 70-тих рокох сотрудзує з численима младежскима часописами, а 80-тих периодично обявює тексти на сербским и руским язику, як у дньових новинох и часописох („Ґлас омладине”, МАК, „Руске слово”, „Дневник”, „Поља”, „Војводина”, „Шветлосц” и др.) Инспировани з дїлами Бруна Шулца и братох Чапек, 1986. року пише драмски нарис котри постава основа за…

Владимир Надь Ачим з Руского Керестура народзени 7. авґуста 1970. року у Кули. Основну и штредню школу (Систем и орґанизация културних активносцох) закончел у Руским Керестуре. Студирал на Филозофским факултету у Новим Садзе, ґрупа за историю, як и филозофию на Pontificia Universita Urbania у Риме. Дипломовал на Києвским державним институту театралней уметносци „Иван Карпенко Карий” у України на ґрупи за ґлуму и режию (1997). Меновани є за директора Руского народного театру „Петро Ризнич Дядя” у Руским Керестуре 2003. року. Режирал…

Александар Гербут з Руского Керестура народзени 12. фебруара 1979. року у Вербаше. Основну школу и Ґимназию „Петро Кузмяк” закончел у Руским Керестуре, а економию дипломовал на Универзитету у Новим Садзе. През роки ше нєпреривно усовершовал, а специялизовал ше у медзинародней тарґовини. У своєй кариєри робел за даскельо компаниї у Републики Сербиї – Yunimex, Fadip, IQ Invest и Неопланта. Одкеди ше 2011. року зоз фамелию преселєл до Мадярскей, робел у фирмох 3B Scientific (на позициї медзинародного тарґовца) дзе предавал наставни средства…

Михал Будински народзени 23. октобра 1966. року у Вербаше. Основне и стреднє музичне образованє закончел у Музичней школи „Исидор Баїч“ у Новим Саду у класи проф. Ямбора Имреа. Дипломовал и маґистровал на Академиї уметносци у Новим Саду у класи професора Деяна Михаиловича. 2001. року здобул статус Маґистра уметносци-виолинисти, а 2018. року постал Порядни професор на катедри за смиково инструменти, одсек виолина (гушля). Участвовал на семинарох и Майсторских курсох вельочислених педаґоґох и уметнїкох: Серґей Кравченко, Марина Яшвали, Ами Фламер, Закхар Брон…

Прим. др. Мелания Виславски (дзивоцке Олеяр), народзена 26. априла 1953. року у Новим Садзе. Ходзела до Основней  школи „Йован Йованович Змай” у Дюрдьове и „Никола Тесла“ у Новим Садзе, дзе закончела и ґимназию „Моше Пияде“. Закончела Медицински факултет и специялизовала педиятрию на Медицинским факултету Универзитету Нови Сад. Потим ушлїдзела субспециялизация з алерґолориї и клинїцкей имунолоґиї на Медицинским факултету Универзитету у Заґребе. По пензионованє робела як клинїчни лїкар и началнїк Оддзелєня за хороти малого дзецка при Институту за здравствену защиту дзецох…