Иножемни/порядни член Националней академиї наукох и уметносци України од 1997.
Народзени 04.08. 1950. року у Вербаше.Дипломовал югославянску литературу 1974. на Филозофским факултету у Новим Садзе , маґистровал славянски литератури зоз компаративистику при А.Флакера 1976. а докторовал литературни науки, теорийни основи историї литератури при Светови Перович 1982. року на Филозофским факултету Универзитетау Новим Садзе.Порядни є професор на тим Факултету за предмет Русинска литература и Українска литература зоз опщу литературу.На докторских студийох преподава Природа виоучованя литератури за шицки филолоґийни струки.После пензионованя 1. октобра 2015. затримал мастер и докторки студиї. Почесни доктор Ужгородского националного универзитета 2009. Пише ауторску поезию, романи, есеї.У його фокусу руска, українска, сербска и шицка друга славянска литература.Интересую го мали литературни традициї, теорийни основи компаративистики и теориї литератури.Ма коло 1000 обявени литературни и науково роботи од чого 50 самостойни ауторски кнїжки. Госцовал и студийно пребувал широм Европи, САД, Канади.Участвовал у роботи на 32- ох медзинародних конґресох.Зоз Одлуку Суда УН ( Торонто, май 1993.) бул политични дисидент зоз правом вибрац жем у котрей жада жиц.После осем дньох одрекол ше того статусу и врацел ше до Нового Саду.О його дїлу обявени коло 70 рецензиї и коло 70 интервюи у водзацих домашнїх и шветових новинох и часописох.Заступени є у приблїжно двацец антолоґийох войводянскей, югославянскей и українскей поезиї од Штоголму, Амстердаму, Ужгороду, Москви по Истамбул, Сапоро и Пекинґ.Окончел нїз пионирских роботох, уведол русинистику до славистики.Бул шеф Катедри за руски язик и литературу ( 1981.-2015.), предсидателй Союзу Руснацох и Українцох Югославиї (1990.-2000.) и предсидателй реоснованей Войводянскей академиї наукох и уметносци ( 2004.-2008.)Наградзовани є зоз найвисшима литературнима наградами и припознанями зоз рускей заєднїци, Войводини, Сербиї и України.
ЛИТЕРАТУРА
- Интеґрални текст биоґрафскей одреднїци Юлиян Тамаш (по сербски)
- На интернету под меном Юлиян Тамаш єст коло 20 боки