Проф. др Надежда Ружич (дзивоцке презвиско Кочиш), технолоґ-енолоґ, професор Универзитета (Нови Сад, 4.02.1940 – Нови Сад, 3.01.2002). Оцец Евґений бул економиста, а мац Амалия з фамелиї Тамаш. У родним варошу закончела основну школу и ґимназию (1959), а дипломовала на Технолоґийним факултету, поживови напрям, технолоґию вина (1963). Маґистерску роботу одбранєла 1970, а докторат 1975, з тему Прилог познаваню сумпор-водонїку у технолоґиї вина. За асистента на Техонолоґийним факултету вибрана є 1964, за доцента 1976, позарядови професор постала 1982, а рядови 1988. року.…