Наукови сотруднїк, конзерватор, рестауратор
Йоаким Стрибер народзени у Руским Керестуре 27. септембра 1967.Дипломовал на Природно математицким факултету, Одсек за физику на Универзитету у Новим Саду а на Универзитету у Букурешту (Факултет физики) докторовал 2007. на тему „ Доприношенє усовершованю ласерских технїкох и технолоґийох хаснованих у познаваню и третированю поверхносцох предметох науковей и музейней важносци“.
Занїма ше зоз рестаурацию и конзервованьом културного нашлїдства розвиваюци сучасни оптоелектронски технїки за рестаурацию уметнїцких творох, окреме ласерску технїку.Резултати його роботи були замерковани на медзинародним плану. Робел од 2000-2010. на Националним институту за розвой и виглєдованє оптоелектроники INOE 2000 Маґуреле-Букурешт. Од 2010 . по 2015. рок бул наукови сотруднїк у Централним институту за конзервацию у Беоґраду.Тиж водзел и участвовал на даскелїх медзинародних проєктох, учашнїк є числених фахових семинарох и наукових конференцийох.
Поробел дзешатки конзервациї и рестаурациї рижнородних артефактох, аутор є и коаутор прейґ 40 наукових роботох, аутор штирох патентох и рецензент на пейц публикацийох и моноґрафийох.
Литература
- Интеґрални текст за биоґрафску єдинку Йоаким др Стрибер (серб.)
- На интернету ше мено Йоаким др Стрибер зявює на трох бокох на серпским и на двох бокох на руским писму